i’ll stick around

late na yata ang new year post ko, pero sabi nga huli man daw at magaling talagang magaling. labing-isang araw na rin ang iniluwal ng taon na ito, lumipas na ang a-uno at karamihan sigurado ay nakakalimot na sa mga binitawang pangako sa mga sarili. hindi ako gumawa ng new year’s reso ko, huli akong gumawa nung nasa high school pa, o 1st year sa college, o 2nd, o 3rd, ewan.. putik.

matagal ko na’ng gustong tanggalin ang paninigarilyo pero hanggang ngayon nagrereklamo pa rin ang baga ko sa usok. ilang bagong taon din ang nagdaan na sinubukan kong wag magyosi sa mga unang araw ngunit subalit pero but WTF ansarap magyosi eh. andami kong naging kaibigan dahil sa sigarilyo. nandyan ang nakatayo ka sa labas ng anumang building na kumakanlong sa yo at maya-maya kakwentuhan mo na ang isang taong noon mo lang nakita, o may magandang chic na manghihiram ng  lighter, o nakatayo ka sa tabi ng kalsada habang nag-aabang ng sasakyan at si pare’ng tindero ng taho makikisindi. tambay ka mag-isa ng bilyaran at hindi mo alam pwede ka ng bumuo ng banda, dahil sa yosi.

oo nakakaasar ang mga tao’ng walang pakundangan at walang pakielam kung may nagko-kombulsyon na dahil sa usok.  hindi ako isa kanila. anamputiknyetashetz tungkol sa new year’s resolution at buhay pag-ibig ang gusto ko’ng sulatin kanina ah, bakit nauwi sa carbon monoxide?? sige tuloy na lang. mabaho nga ang usok ng sigarilyo, kaya kung walang pagkakataon para mag-tusbrash bumibili ako ng coke para pamumog. ah oo nga pala syempwe mints.

refresh. madami ang gumagawa ng new year’s reso at hindi tinutupad. para kang nagbilog ng kulangot at hindi mo rin ipinitik, den wawasdat for??

walang masama sa paggawa ng mga ganun. pero hindi na muna ko gagawa ng sa akin ngayon, alam ko namang di ko maitatakwil ang paninigarilyo kahit kailan eh. siguro sa mga darating na panahon. sana hindi pa ko inuuod bago dumating yun. bawasan ko pwede pa. sige try. i’ll start hmmm, later. alam ko pagtayo ko at paglabas dito magsisindi ako.

tumataas ang levels ng  glutamine kapag pinapasukan ng nicotine ang katawan. at tumatalas ang pag-iisip ng isang gaya ko sa mga oras na yun. karamihan ng tula at proses na tsinamba ko, ng mga kamalayang binuo ko, ng mga gas na minanufactyur ko,  ng mga handouts na nirebyu ko, ng mga riffs at kaskas na inimbento o kaya zinipra ko, at mga ubo’ng pinakawalan ko, [pero p.s.i.k. (para sa iyong kaalaman) wala kong t.b, bwahahaha] nabuo sa  piling ng usok ng yosi.

good luck sa mga reso’s mo, sana matupad. ako naman ay maninigarilyo pa rin para maisip ko na kung paano ililigtas ang mundo, paano yayaman ang pilipinas, at paano gaganda ang buhay. pag-ibig? hahaha.

adik.

sa uulitin.