untitled

Kahapon uminom kami ng dalawang opismeyt ko, red horse, kaninang umaga maganda ang pag-upload ko sa trono, walang kaeffort-effort. Napansin ko ganun madalas, kasi nga pala gawa sa fiber ang alak, ang beer sa whole grains gaya ng biko at kulangot, at ang brandy sa duhat. Mabuti pa ang mga bakla kahit hindi magkakain ng fiber eh hindi na kailangan umire. Koneksiyon? PLDT myDSL.

Nung isang araw habang kumakain ako may lumapit sa akin na babaeng estudyante.

Siya: Kuya may oras ka ba?

Ako: Oo, ikaw?

Siya: Hihi.. Kasi may mga ipapakita ako sa ‘yo..

Ako: Ay huwag dito, madaming tao, bastos ba iyan?

Siya: Hindi kuya, mga products po ng org namin, member po ako ng [insert her organization’s name here], kuya tuloy mo lang pagkain mo sorry ha, sandali lang ‘to, pwede?

Ako: ‘pag tumanggi ba ‘ko may parusa?

mukha naman siya mabaet at hindi akin yung upuan kaya wala ako nagawa  um-oo ako. Isa pa mabait din ako. Inaya ko siya kumain. Pagkatapos ng narration tuloy ang dialogue.

Siya: Kuya may mga accessories po akong dala, baka mamahalan ka @ p50.00 pero for a good cause naman..

Ako ulet (siyempre tapos na linya niya eh): Baka pangdra-drugs mo lang ha? o pangfe-facebook mo?

Siya: Hindi po, pang-support po sa education namin talaga, nagwo-work ka po? Ako 2nd year, alam mo course ko? Alam mo yung SpEd?

Ako: Yung pelikula tungkol sa bus na hindi pwede huminto kasi may bomba yun di ba?

Siya: Special Education po, magtuturo po ako ng mga special children..

To shorkat da long istori short, napilitan akong maghubad sa harap ng maraming tao nagdonate ako ng P50 at binigyan niya ko ng burloloy sa cellphone parang token of lust appreciation, gawa sa kahoy na beads-beads. And i didnt mind. Iniisip ko kasi sa mga ganung pagkakataon baka si papa jeesus yun nagkatawang tao nangwa-wow mali, o kaya isang diwatang magbibigay ng reward.

Balik tayo sa kahapon, habang nainom kami sa 711 may lumapit sa amin na matandang babae na nanghihingi ng pagkain, lasing na yata ko inabutan ko ng bente, gusto ko manghinayang kasi sampung sticks na ng marlboro yun pero pampaganda na rin ng records ko sa langit yun. Kulang pa nga mga ismol diids ko sa mga kapilyuhan ko. Kaya kahit pag may nakakasalubong akong seksi iniisip ko si papa jesus siya, ngingiti ako ng simple, tas susundan ng tingin tas sasabihin ng taimtim sa sarili, “papa jesus i love you, ang ganda pala ng puwet mo..” dati may kinuhanan ako ng cellphone number, nang tinext ko siya tinanong niya “hu u?” sabi ko ako ang hinahanap niyang pag-ibig. Doon ko nalaman na hindi siya si papa jesus kasi hindi niya nalaman in advance kung sino ako.

Yung estudyante tsaka yung matanda, ako, ikaw, dumadaan sa madaming shit ng buhay. Pati si Bill Gates. Pag-alis ng bagyo yung  etits mo ay matatag ang maiiwang nakatayo, pagkaraan ng milyun-milyong taon at tone-tonelada’ng dagan ng lupa yung humble uling nagiging bigtime pornstar diamond, ang ginto dumadaan  sa napakatinding init ng apoy. Dont crack under pressure, kapag bumigay ka sa mga shit happens mo panis ka.

Tinago ko yung burloloy na binigay nung estudyante. May beads na yari sa kahoy. Nagsimula sa pulp. Fiber. Gaya ng brandy na gawa sa duhat nga ba?

P.S.        Bakit hindi na lang ubas ang tagalog ng kulay violet kesa ube?