Blogspot, binili ng WordPress.

Hindi naman ako likas na manunulat at hindi rin ako likas na kuwentista. Mahilig lang talaga ako magbasa noon pa. Sabi ni ermats inipit daw ang buhok ko mula sa una kong first haircut sa isang diksyonaryo kaya ako mahilig magbasa. Hindi totoo na inipit daw ang buhok ko mula sa una kong first gupit sa isang vinyl record ng Led Zeppelin. At hindi rin totoo na dati akong si Leonardo da Vinci sa nakaraang past life ko. Napansin mo sa construction of sentence construction ko ng huling tatlong last three sentences ko? Malamang.

Ang mga unang karanasan ko sa pagsusulat ay nang nasa tiyan pa ako ni ermats. Tanda ko pa nag-vandal ako nun sa placenta niya ng “Yin was here. Wasssapening!” Buti na lang walang nakahuli sa akin.

Pagtuntong ko ng first grade hindi ko alam kung ano ang sasabihin ko sa pangungusap na ito. Magulo? Hindi. Conceited ka lang siguro. Koneksyon? DSL.

Una kong libro yung dilaw na manipis na yellow na aklat-aklatang abakada na yellow, or at least kung tama sa pagkakaalala ko, na dilaw nga yun. Pero sigurado ako na yun nga unang binasa ko, siguro.

Unang jejemon experience ko ay high school algebra. Putanginang “x” at “y” na yan, alas dos ng hapon kakatapos mo mag-lunch binabaha ng serotonin ang utak mo tapos tuturuan ka ng eks at wai?! Eks at wai???!! Di ba? Para kang niyayang manuod kay Kris Aquino samantalang sarap na sarap kang nangungulangot. Anak ng katuray naman.

High school din at early college nang malaman kong sa suwelas ng sapatos sinusulat ang pangalan ng paborito mong banda at pangalan ng crush mo. At mga sagot sa exams. Nabanggit ko lang. Pampahaba ng post.

Hindi ko na babanggitin na dati rin ang mga nakasulat sa mga huling pahina ng notebooks ko ay hindi ko na babanggitin.

Nag-journal din ako. Hindi diary, journal. Journal, hindi diary. At huwag ninyo ako tatanungin kung ano ang pagkakaiba ng journal at diary dahil hindi ko alam. Ang alam ko lang baduy pakinggan kapag diary ang gamit ng lalake.

Ayan, masasagot na ang tanong tungkol sa pamagat ng entry. Hindi totoong nabili na ng WP ang BS. Nagsimula kasi ako mag-blog sa BS. At puro BS ang mga pinagsususulat ko doon. Pero doon ako natuto magsulat kung paano ako magsulat ngayon, bullshit. Bakit ba ako nagblo-blog? Dati para kuwentuhan ang sarili ko, yun ang pinili kong dahilan dahil walang nagbabasa ng mga posts ko noon, ako lang. Kaya lumipat ako sa WordPress, inaantok na ako, tuloy ko na lang ito sa susunod.

*quick post lang, di pa rin ako makapag-bloghop. Love y’all. Alam ninyo kung sino kayo.